Only in Icelandic Language available

Laugardaginn, 29 Október 1994 - Innlendar fréttir

Átta ára stúlka syngur í keppni á vegum ítalskra munka Sara Dís syngur fyrir milljónir

Átta ára stúlka syngur í keppni á vegum ítalskra munka Sara Dís syngur fyrir milljónir. Átta ára hafnfirsk stúlka, Sara Dís Hjaltested, fer í næsta mánuði til Ítalíu til að keppa í einni frægustu og stærstu barnasöngkeppni í heiminum. Sara kemur til með að syngja fyrir hundruð milljóna sjónvarpsáhorfenda í beinni útsendingu. Hljómplata með söng barnanna í keppninni kemur út á næstu dögum og er búist við að hún seljist í yfir milljón eintaka. Söngkeppnin nýtur gífurlegra vinsælda víða um heim, en þetta er í 37. skiptið sem hún er haldin. Í Mið og Suður Evrópu slær hún öll áhorfendamet í sjónvarpi. Þáttakendur í keppninni eru börn á aldrinum 3 og 10 ára. Það eru ítalskir munkar sem halda keppnina, en allur ágóði af henni fer til hjálparstarfs. Munkarnir hafa í mörg ár stjórnað listaskóla fyrir börn. Á þeirra vegum starfar "The piccolo coro", sem er einn þekktast barnakór heims. Mjög miklar kröfur eru gerðar til barnanna sem þátt taka í keppninni. Þau ganga í gegnum strangar æfingar. Áður en þau fá að syngja í aðalkeppninni þurfa þau að sigra í undankeppnum í sínu landi. Engin undankeppni var reyndar haldin hér á landi. Forráðamenn keppninnar völdu Söru úr hópi tíu íslenskra barna, en söngprufur af þeim voru send út til Ítalíu. Öll lög í keppninni eru frumsamin og eru öll sungin á ítölsku. Börnin sem koma frá öðrum löndum en Ítalíu verða að læra að syngja textann á ítölsku. Síðasta erindið í textanum er þó sungið á móðurmáli barnanna. Sara syngur lag eftir Valgerð Skagfjörð, leikara og tónlistarmann.

Talsvert reynd

Sara er dóttir Maríu Bjarkar Sverrisdóttur og Péturs Hjaltested, en þau eru bæði tónlistarfólk. María Björk sagði að ferðin til Ítalíu legðist vel í Söru. Hún hefði þegar aflað sér talsverðrar reynslu af því að syngja opinberlega og tæki öllu umstanginu með jafnaðargeði. Þetta er í fyrsta skiptið sem íslenskt barn tekur þátt í keppninni, en ítölsku munkarnir hafa lagt áherslu á að fá ólík lönd til að vera með í henni. Sara Dís leggur af stað til Ítalíu um miðjan næsta mánuð með móður sinni Maríu Björk Sverrisdóttur.

Morgunblaðið Árni Sæberg

Laugardaginn, 26 Nóvember 1994 - Innlendar fréttir

Íslensk stúlka syngur með Pavarotti

Níu ár gömul íslensk stúlka, Sara Dís Hjaltested, syngur á morgun í barnakór með stórsöngvaranum Luciano Pavarotti í alþjóðlegri söngkeppni barna á Ítalíu. Sara Dís er fulltrúi Íslands í keppninni. Keppnin vekur gífurlega athygli víða á meginlandi Evrópu. Sara Dís söng í gær lagið "Íslandsvísur" eftir Valgeir Skagfjörð í beinni útsendingu á sjónvarpsstöðinni Worldvision fyrir milljónir áhorfenda. Flutningur lagsins tókst ljómandi vel, en hún söng bæði á íslensku og ítölsku. Fyrir flutninginn spurði ítalski kynnirinn Söru Dís nokkurra spurninga um Ísland, sem hún svaraði sköruglega á íslensku. Allur ágóði af keppninni í ár fer til hjálparstarfs í Rúanda. Í fyrra var ágóðanum varið til hjálparstarfs fyrir munaðarlaus börn í Brasilíu og náðist að byggja 10 hús, skóla og heilsugæslustöðvar, fyrir þá peninga sem söfnuðust.

Miðvikudaginn 30. nóvember, 1994 - Innlendar fréttir

Barnasöngkeppni á Ítalíu um helgina í beinni - Sjónvarpsútsendingu Sara Dís í - Sara Dís Hjaltested í úrslit

Sara Dís Hjaltested, átta ára stúlka úr Hafnarfirði, komst í úrslit í barnasöngkeppninni á Ítalíu sem fram fór um síðustu helgi. Keppninni, sem er sú þekktasta sinnar tegundar í heiminum, var sjónvarpað beint víða um heim og er talið að milljónir manna hafi horft á hana. Sara vakti mikla athygli og þótti standa sig einstaklega vel. Keppnin er mjög umfangsmikil og fer fram í beinni útsendingu fjögur kvöld í röð á sjónvarpstöðinni Worldvision. Sara söng öll kvöldin og á úrslitakvöldinu söng stórsöngvarinn Luciano Pavarotti með börnunum. Richard Attenboroug var gestur á úrslitakvöldinu, en hann hefur kynnt sér hjálparstarf Antoniano-munkareglunnar sem skipuleggur keppnina. Erfitt en skemmtilegt. Sara er nýkomin heim til landsins ásamt foreldrum sínum, Maríu Björk Sverrisdóttur og Pétri Hjaltested. "Þetta var erfitt en skemmtilegt," sagði Sara þegar hún var spurð um keppnina. Sara þurfti að syngja á ítölsku, en lagið sem hún söng var lag Valgeirs Skagfjörð, Íslandsvísur. "Það gekk bara vel að læra að syngja á ítölsku. Við æfðum okkur vel fyrir keppnina." Mikið umstang var í kringum keppnina, enda er henni sjónvarpað víða um heim. Sara vildi ekki gera mikið úr heimsfrægðinni og sagði að þetta hefði ekki verið ósvipað því að syngja í íslenska sjónvarpinu, en hún hefur m.a. komið fram í þætti Hemma Gunn. Sara viðurkenndi að hún hefði verið dálítið spennt á úrslitakvöldinu, en sagðist ekki vera óánægð þó að hún hefði ekki unnið. Allir keppendur hefðu fengið sömu verðlaun. Keppnin fékk mikla umfjöllun í fjölmiðlum á Ítalíu og víðar og birtust myndir af Söru í blöðum og tímaritum meðan á keppninni stóð. Sjálf vakti hún talsverða athygli þar sem hún skar sig úr hópi annarra keppenda, sem nær allir voru dökkhærðir. Sara Dís Hjaltested er ljóshærð. Börn og fullorðnir stoppuðu hana á götu í Bologna, þar sem keppnin fór fram, en á Ítalíu hefur keppnin svipaða stöðu og Söngvakeppni evrópskra sjónvarpsstöðva hefur á Íslandi. Átta lög í úrslitum. Átta lög komust í úrslit í keppninni, fjögur frá Ítalíu, og lög frá Úrúgvæ, Portúgal, Eistlandi og Íslandi. Lag frá Ítalíu sigraði í úrslitakeppninni. Á úrslitakvöldinu heiðraði Pavarotti börnin með nærveru sinni og söng með hinum heimsþekkta Piccolo-barnakór. Það er hjálparstofnun á vegum ítölsku Antoniano-munkanna sem stendur fyrir keppninni. Á hverju ári safnast miklir peningar vegna keppninnar og er þeim varið til barnahjálpar víða um heim. Í fyrra var peningunum varið til uppbyggingar heimila fyrir götubörn í Brasilíu, en í ár beina munkarnir kröftum sínum til aðstoðar við börn í Rúanda þar sem þúsundir barna ganga um munaðarlaus og heimilislaus. Sara Dís var ánægð við heimkomuna eftir frægðarför til Ítalíu. Foreldrarnir, María Björk og Pétur Hjaltested, voru stoltir yfir árangri dótturinnar. Sigurvegarinn í keppninni hét Leonardo Curcio (söngur : Metti la canottiera), sex ára drengur frá Ítalíu. Vel fór á með honum og Söru.

Morgunblaðið RAX

Laugardaginn, 11 Nóvember 1995 - Fólk í fréttum

Nýjar hljómplötur - Skemmtilegast að syngja rapp

Sara Dís Hjaltested er ung að árum, aðeins 10 ára. Þrátt fyrir það hefur hún sungið inn á tvær plötur og sungið á söngkeppni á Bologna á Ítalíu. Um þessar mundir kemur seinni platan út. Sara Dís Hjaltested er ung að árum, aðeins 10 ára. Þrátt fyrir það hefur hún sungið inn á tvær plötur og sungið á söngkeppni á Bologna á Ítalíu. Um þessar mundir kemur seinni platan út. Nýja Platan heitir Barnabros 2 frá Ítalíu og inniheldur 12 lög sem Sara söng á alþjóðlegri söngkeppni á Ítalíu í fyrra. Með henni syngja María Björk, Edda Heiðrún Bachman og Þorvaldur Davíð Kristjánsson. Einnig kemur Kór Kársnesskóla fram á plötunni. Faðir hennar, Pétur Hjaltested, stjórnar upptökum og útsetur lögin.